لینک های دستیابی پذیر

مقامات: دیدار غنی و عبدالله در یک فضایی دوستانه صورت گرفت


مقامات در ارگ ریاست جمهوری و ریاست اجرائیه می‌گویند، دیدار عصر دیروز اشرف غنی و عبدالله عبدالله در یک فضایی دوستانه صورت گرفت.

ریاست جمهوری افغانستان گفت، مطابق پلان قرار بر این شد که رئیس جمهور نظریات رئیس اجرائیه را استماع کند.

عبدالله عبدالله رئیس اجرائیه پنجشنبۀ گذشته در یک محفل جوانان انتقادهای جدی را عنوانی رئیس جمهور اشرف غنی بیان کرده و او را متهم نمود که برخی از فیصله‌ها را در مغایرت با موافقتنامه حکومت وحدت ملی انجام داده‌است.

به گفتۀ سخنگوی ریاست اجرائیه قرار است، در اجلاس بعدی که بزودی برگزار می‌شود، رئیس جمهور نظریات خود را ابراز کند و در نشست سومی نتایج بدست می‌آید.

در نشست دیروز رهبران حکومت حدت ملی افغانستان، معاون اول ریاست اجرائیه و معاون دوم ریاست جمهوری هم اشتراک کرده بودند.

XS
SM
MD
LG