لینک های دستیابی پذیر

مرتضوی: رئیس جمهور در تمام امورات با همکاران اش مشوره میکند


شاه حسین مرتضوی معاون سخنگوی ریاست جمهوری افغانستان

شاه حسین مرتضوی معاون سخنگوی ریاست جمهوری افغانستان

ارگ اتهامات انحصار قدرت در نزد رئیس جمهور را رد می‌کند و می‌گوید که آقای غنی در تمامی امورات با همکاران حکومتی اش مشوره می‌کند.

شاه حسین مرتضوی معاون سخنگوی ریاست جمهوری ظهر امروز در یک نشست خبری گفت که در نشست‌های مهم کرسی برخی بزرگان سیاسی برای مدت طولانی خالی است.

وی می‌افزاید، قانون اساسی صلاحیت‌های رهبران سیاسی حکومت را مشخص کرده‌است و حکومت امیدوار است که این رهبران بحیث شریکان مسئولیت پذیر، کار های شانرا به پیش ببرند.

این در حالی‌است که جنرال عبدالرشید دوستم معاون اول ریاست جمهوری، گفته است که صلاحیت‌های معاونیت اول را رئیس جمهور در قبضه خود گرفته است.

پیش از این داکتر عبدالله رئیس اجرائیه نیز اظهارات تندی علیه رئیس جمهور داشت.

XS
SM
MD
LG