لینک های دستیابی پذیر

میدویدف: سیاست روسیه در قبال افغانستان تغییر نکرده‌است


رئیس اجرائیه افغانستان در حاشیه نشست سران حکومت‌های عضو سازمان همکاری شانگهای در بیشکیک دیروز با صدراعظم روسیه ملاقات کرد.

اعلامیۀ ریاست اجرائیه افغانستان می‌افزاید که دیمیتری میدویدف هنگام ملاقات به عبدالله عبدالله گفته است که ما خواهان موفقیت شما در افغانستان هستیم و سیاست ما در مورد افغانستان تغییر نکرده‌است.

عبدالله عبدالله از کمک‌های روسیه برای استقرار صلح و ثبات در افغانستان سپاسگزاری کرده‌است.

رئیس اجرائیه افغانستان در این ملاقات در بارۀ آخرین انکشافات وضعیت امنیتی و سیاسی در کشور صحبت کرده و از بورسیه‌های که روسیه به محصلان افغانی می‌دهد، تشکر نموده است.

دیمیتری میدویدف ابراز امیداوری کرده است که روابط اقتصادی میان دو کشور گسترش یابد.

XS
SM
MD
LG