لینک های دستیابی پذیر

یک هلیکوپتر نیروهای افغان در ولایت غور نشست اضطراری کرد


یک هلیکوپتر نظامی در نزدیکی میدان هوایی شهر فیروز کوه مرکز ولایت غور نشست اضطراری کرده است.

مقامات امنیتی غور تایید کردند، این هلیکوپتر نظامی بود که پس از انجام وظیفه بنابر عوارضی تخنیکی نشست اضطراری نمود.

جنرال مصطفی محسنی قوماندان امنیه غور شام دیروز به رادیو آزادی چنین معلومات داد:

" طیاره شامل پلان جنگی بود، ما عملیات در مناطق شمال فیروز کوه داشتیم. طیاره وظیفه خود را اجرا کرده و بالاخره در نزدیکی میدان هوایی عارضه تخنیکی پیدا می کند و به زمین می نشیند. این رویداد هیچ گونه تلفاتی نداشت. "

همزمان با این، شاهدان عینی به خبرنگار رادیو آزادی در ولایت غور گفته اند که این طیاره در جریان نشست اضطراری آتش گرفت. این شاهدان عینی همچنان گفتند، در جریان حادثه صدای تیراندازی و سر و صدا‌های دیگر نیز به گوش می‌رسید.

XS
SM
MD
LG