آخرین دور امتحان کانکور اخذ گردید
هزاران تن از فارغان صنوف 12 کشور امروز آخرین دور امتحان عمومی کانکور یا شمولیت به موسسات تحصیلات عالی و نیمه عالی را سپری نمودند.
مقامات وزارت تحصیلات عالی افغانستان می گویند، که امسال پذیرش داوطلبان به موسسات تحصیلات عالی و نیمه عالی نسبت به سال گذشته افزایش یافته است.
گفته می شود که در سال جاری بیش از یکصد هزار فارغ صنف 12 به امتحان کانکور شرکت نموده اند.