لینک های دستیابی پذیر

سه شنبه ۲۱ قوس ۱۳۹۶ کابل ۰۹:۰۶

خواست عبدالله عبدالله از اعضای سازمان شانگهای!


عبدالله عبدالله رئیس اجرائیه افغانستان

رئیس اجرائیه افغانستان از اعضای سازمان همکاری شانگهای خواست که گروه‌های تندرو مسلح افغان را به گفت‌وگو و مذاکره تشویق کنند.

عبدالله عبدالله این خواست را دیروز جمعه «۱۰ قوس ۱۳۹۶» حین سخنرانی در نشست سران حکومت‌های سازمان همکاری شانگهای در شهر سوچی روسیه مطرح کرد.

وی گفت:

" از اعضای SCO یعنی سازمان همکاری شانگهای می‌خواهیم که از قدرت نفوذ و تماس‌های‌شان با گروه‌های مسلح افغان استفاده کرده و از آن‌ها بخواهند که وارد گفت‌و‌گوهای بین‌الافغانی شوند."

در همین حال صدر اعظم چین در دیدار با رئیس اجرائیه افغانستان در شهر سوچی پیشنهاد کرده که آماده‌اند میان افغانستان و پاکستان میانجیگری کنند.

لی که چیانگ گفته‌است، چین آماده‌است که یک نشست سه جانبه را به سطح وزیران خارجه سه کشور برگزار کند تا روابط میان افغانستان و پاکستان بهبود یابد.

جزئیات ملاقات عبدالله عبدالله و لی که چیانگ در صفحه رسمی فیس‌بوک آقای عبدالله نشر شده‌است.

اعضای سازمان همکاری شانگهای عبارت اند از روسیه، چین، قزاقستان، قرغزستان، تاجکستان، ازبکستان، هند و پاکستان.

هند و پاکستان در ماه جون امسال میلادی عضویت سازمان همکاری شانگهای را کسب کردند.

افغانستان، ایران، مغولستان و بلاروس به عنوان اعضای ناظر در نشست‌های این سازمان اشتراک می‌کنند.

XS
SM
MD
LG