محمد عمر داوودزی، رئیس دارالانشای کمیسیون برگزاری لویه جرگۀ ملی مشورتی صلح گفته است، شماری از نماینده‌های طالبان هم درین جرگه اشتراک کرده بودند.
آقای داوودزی امروز در یک نشست خبری در کابل اما نام‌ها و شمار این طالبان را مشخص نساخت.
مسئولان برگزاری جرگه گفته اند، که حدود ۳۲۰۰ تن از سرتاسر افغانستان درین جرگه شرکت کردند.
لویه جرگۀ مشورتی صلح در میان تدابیر شدید امنیتی به هدف مشوره دهی به حکومت افغانستان در مورد ایجاد چارچوب گفتگو با طالبان، به روز دوشنبه برگزار شد.
ژکفر احمدی درین مورد با انارکلی هنریار یکی از اشتراک کننده‌های جرگه گفتگو کرده و نخست پرسیده‌است که خودش طالبان را در جرگه دیده است؟
