وزارت اقتصاد افغانستان می گوید که ستراتیژی ملی انکشافی پنج ساله این وزارت موثر واقع گردیده است.
مقامات این وزارت روز یک شنبه گزارش نهایی ستراتیِژی ملی انکشافی خود را از سال 1388 الی 1391 به نشر سپرد.
عبدالهادی ارغندیوال وزیر اقتصاد گفت عملی شدن این استراتیژی در کشور باعث رشد اقتصادی، حاکمیت قانون و در بخش حکومت داری بهتر کمک کرده است.
به اساس معلومات وزارت اقتصاد افغانستان با تطبیق ستراتیژی ملی انکشافی در پنج سال گذشته پانزده اعشاریه شش میلیون دالر سرمایه شده بود.