وزارت صحت عامه افغانستان می گوید که در سال 2015 میلادی یک واقعه مثبت پولیو در ولسوالی ریگ ولایت هلمند ثبت شده است.
فیروز الدین فیروز وزیر صحت عامه امروز در نشست خبری در کابل ابراز نگرانی کرد که هنوز هم افغانستان از جمله کشورهای است که در آن واقعه پولیو دیده شده است.
آقای فیروز گفت که بخاطر نجات از این بیماری، امروز در بیست و هشت ولایت افغانستان کمپاین واکسین پولیو را آغاز کردند.
قرار است در دَور تازهء کمپاین تطبیق واکسین پولیو 7.6 میلیون طفلِ زیر سن 5 سال واکسین شوند.
به اساس معلومات وزارت صحت عامه، در سال 2014 میلادی در تمامی افغانستان 28 مورد فلج کودکان ثبت شده است.