دو مقام بلند رتبه امنیتی تاجیکستان گفته اند که صدها نفر از گروه های مختلف افراطی در ولایات شمالی افغانستان که با تاجیکستان همسرحد می باشند، جمع شده اند.
شیر علی خیر الله یف مشاور امنیت ملی رییس جمهور تاجیکستان و رجب علی رحمان علی قوماندان قوای سرحدی تاجیکستان دیروز در شورای قوماندانان سرحدی کشور های مستقل مشترک المنافع در شهر دوشنبه در این مورد صحبت کردند.
رجب علی اظهار داشت که بیش از 1500 جنگجوی افراطی در مناطق همسرحد با تاجیکستان در ولایات کندز، تخار و بدخشان جمع شده اند.
اما اتشه نظامی سفارت افغانستان در شهر دوشنبه زمان الدین زمان به رادیو آزادی گفت: این افراد در داخل ولایت افغانستان می باشند و در نزدیکی سرحدات تاجیکستان نیستند:
"نیرو ها هستند ولی تعداد دقیق شان مشخص نیست. آنها در امتداد سرحد تجمع نکرده اند. آنها در ولایات سرحدی افغانستان با تاجیکستان مانند قندوز و بدخشان جمع شده اند."
به گفته آقای زمان در این ولایات هم وضیعت تحت کنترول است و عملیات آغاز شده است.