تاجیکستان شمار نیرو هایش را در مرز با افغانستان افزایش داده است.
به گفته مقام های تاجیکستانی، این اقدام به دنبال افزایش تهدید های امنیتی از قاچاقبران اسلحه، اختطاف چیان و شورشیان بنیادگرا به اجرا گذاشته شده است.
محمد الُغ خودژایف سخنگوی پولیس سرحدی تاجیکستان می‌گوید، برای جلوگیری از تهدید ها، دوشنبه تصمیم گرفته تا نیرو های بیشتر را در نزدیکی مرز با افغانستان جابجا کند و آنها ده ها پوسته امنیتی تازه را ایجاد خواهند کرد.
از سوی دیگر رجب علی رحمن علی قوماندان نیرو های سرحدی تاجیکستان می‌گوید که کشورش از جنگ ها در افغانستان نگرانی دارد و شورشیان تهدید ها را از اینکشور بیشتر ساخته اند.
گفته می‌شود که نا آرامی های اخیر در ولایت کندز که هم مرز با تاجیکستان است، مقام های آنکشور را بیشتر مجبور ساخته تا به امنیت مناطق مرزی با افغانستان تمرکز بیشتر کنند.