مسئولین وزارت زراعت و مالداری افغانستان می‌گویند که در سال روان حاصلات گندم در ولایت سمنگان افزایش یافته است.
لطف الله راشد سخنگوی این وزارت به رادیو آزادی گفت، سال گذشته دهاقین این ولایت ۹۴ هزار تُن حاصلات گندم بدست آورده بودند و در سال جاری حاصلات آنان اضافه تر از ۱۰۰ هزار تُن شده است.
به گفته او دهاقین از چندین سال به اینسو در ولایت سمنگان گندم کشت می‌کنند و حاصلات گندم با آمدن هر سال بیشتر می‌شود.