رئیس جمهور افغانستان حمله انتحاری کابل را محکوم کرد

ریاست جمهوری افغانستان حمله انتحاری صبح امروز در شهر کابل را محکوم کرده‌است. ارگ با نشر خبرنامۀ به نقل از رئیس جمهور محمد اشرف غنی گفته است که دشمنان مردم افغانستان به هدف ایجاد وحشت دست به چنین حملات می‌زنند. به اساس معلومات وزارت داخله افغانستان در حمله انتحاری که حوالی ساعت هشت صبح امروز در ساحه پل محمود خان شهر کابل رخ داد، چهار تن کشته و سیزده تن دیگر زخمی شده‌اند. ویدیو و ادیت: ولی سباوون