ترکمنستان: پروژه تاپی به افغانستان عایدی زیادی می‌رساند

رئیس جمهور ترکمنستان می‌گوید، افغانستان با به اجرا گذاشتن پروژه گاز تاپی، همه ساله یک میلیارد دالر عاید به دست می‌آورد.

قربان قلی بردی محمدوف دیروز گفت که پروژه تاپی برای دوازده هزار افغان، زمینه کاری را فراهم خواهد کرد.

پروژه تاپی که ده میلیارد دالر مصرف دارد، پارسال رسماً از جانب شرکت گاز ترکمنستان "ترکمن گاز" افتتاح شد.

حکومت امریکا و بانک انکشاف آسیایی برای ساختن پروژه تاپی که گاز ترکمنستان را از طریق افغانستان به پاکستان و هند انتقال می‌دهد، حمایت مالی می‌کنند.