اتاق تجارت و صنایع افغانستان می‌گوید، از طریق راه ترانزیتی سپین بولدک و چمن ولایت کندهار روزانه هزار تن میوۀ تازه به بیرون از کشور صادر می‌شود.
یونس مهمند معاون این اتاق امروز یکشنبه به رادیو آزادی گفت، در سال جاری به طور مجموعی محصولات زراعتی در ولایت کندهار بهتر بوده و در مقایسه با سال گذشته هزاران تن میوه بیشتر به بازارهای خارجی صادر می‌شود.
آقای مهمند می‌گوید، صادرات میوه به کشورهای دیگر سبب رشد اقتصادی دهاقین در ولایت کندهار نیز می‌گردد.
به اساس معلومات اتاق تجارت و صنایع افغانستان در حال حاضر میوه تازه از طریق زمین و هوا از ولایت کندهار به بیرون از کشور صادر می‌شود.