یک مقام وزارت خارجه امریکا می‌گوید، استراتژی جدید امریکا برای افغانستان به زودی اعلان می‌شود.
الیس ویلز سرپرست معینیت وزارت خارجۀ امریکا در امور آسیای جنوبی و مرکزی این مسئله را دیروز در دیداری با حکمت خلیل کرزی معین سیاسی وزارت خارجه افغانستان ابراز داشت.
وزارت خارجه افغانستان در اعلامیۀ گفته‌است، دو مقام روی اوضاع سیاسی، امنیتی، اقتصادی، پروسه صلح و موضوعات دیگر صحبت کردند.
این در حالی است که جنرال اچ. آر مک‌مستر مشاور امنیت ملی رئیس جمهور امریکا به روز شنبه در صحبت با رسانه‌های امریکایی گفته بود، با وجود آن‌که رئیس جمهور دونالد ترمپ استراتژی همه‌جانبه را در مورد افغانستان اعلان نکرده، ولی در بخش نظامی بعضی تصامیم را گرفته است.