قوماندان امنیه ولایت کنر می‌گوید که در حمله طیاره بی‌پیلوت امریکایی درین ولایت سه عضو گروه موسوم به دولت اسلامی به شمول عبدالرحمان قوماندان محلی این گروه کشته شده‌اند.
جمعه گل همت امروز به رادیو آزادی گفت که این حمله ناوقت دیروز در ولسوالی مانوگی اجرا شد.
مقام‌های امنیتی کنر می‌گویند، درین اواخر حمله‌های طیاره‌های بی‌پیلوت امریکایی بالای مراکز گروه موسوم به دولت اسلامی درین ولایت افزایش یافته است.
به گفته مقام‌ها، این اقدام سبب محدود شدن فعالیت داعش در کنر شده‌است.