شماری از صادر کننده‌گان جلغوزه می‌گویند که جلغوزه در ولایت خوست به نرخ ارزان از سوی پاکستانی‌ها خریداری شده و به نام پاکستان به چین صادر می‌گردد.
آنان می‌گویند، در سال جاری حاصلات جلغوزه در ولایت خوست ۲۰ هزار تن تخمین شده‌است.
صیام الدین پسرلی سخنگوی اتاق تجارت و صنایع افغانستان نیز این مسئله را تایید کرده می‌گوید، چین به‌خاطر صادرات افغانستان به آن‌کشور تضمین کیفیت می‌خواهد و این‌کشور تصدیق‌نامه تضمین کیفیت تا هنوز ندارد.
آقای پسرلی می‌گوید، پاکستان از صادرات جلغوزه افغانستان صدها هزار دالر مفاد بدست می‌آورد.