صدها تن از بی‌جا شده‌گان ولسوالی جانی‌خیل ولایت پکتیا خواهان کمک‌های بیشتر و توجه حکومت به مشکلات‌شان شده‌اند.
این باشنده‌گان جانی‌خیل که به سبب ناامنی‌ها به ولایت خوست پناه برده اند پروسه کمک‌ها را کُند می‌خوانند.
خیر محمد یکی از این بی‌جا شده‌گان می‌گوید:
"در جانی‌خیل جنگ است. شماری زیاد طالبان آمده‌اند. مواشی ما را کشتند، زمین‌های ما را تخریب کردند. از مؤسسات می‌خواهیم با ما کمک کنند. از دولت می‌خواهیم امنیت را در جانی‌خیل تأمین کند."
ادارۀ مهاجرین ولایت خوست تائید می‌کند که از جمله بی‌جا شده‌گان جانی‌خیل تا حال تنها به صد خانواده کمک کرده‌اند.
جانی‌خیل در دو ماه گذشته دوبار بین قوای افغان و طالبان دست به دست شد که در این جریان باشنده‌گان محل متضرر گردیدند.