تهمینه جنجوعه، معاون وزارت خارجه پاکستان در نشست گروه تماس سازمان همکاری‌های شانگهای گفتهاست، که برای مذاکرات صلح میان طالبان و حکومت افغانستان نیاز وجود دارد.
او افزود که برای جلوگیری از تروریزم در منطقه گفت و گو‌های صلح افغانستان بسیار مهم است.
نشست گروه تماس سازمان همکاری‌های شانگهای دیروز در مسکو با اشتراک معاونین وزارت‌های خارجه افغانستان، روسیه، چین، قزاقستان، تاجکستان، ازبکستان، ترکمنستان و هند برگزار شد.
ریاست این نشست را ایگور مارکولوف، معین وزارت خارجه روسیه به عهده داشت.
انتظار میرود جنجوعه به عنوان نماینده پاکستان در نشست روز دوشنبه در مسقط مرکز عمان نیز اشتراک کند.
درین نشست نماینده‌های افغانستان، چین و ایالات متحده هم حضور خواهند داشت و در آن روی چگونگی تامین صلح در افغانستان بحث خواهد شد.