عبدالله عبدالله رئیس اجرائیه حکومت افغانستان گفته‌است که استراتژی جدید ایالات متحده امریکا برای افغانستان و جنوب آسیا نقش رهبری کننده را بازی می‌کند.
آقای عبدالله در بخش از کنفرانس امنیتی هلیفکس دیروز شنبه در کانادا گفت:
"وقتی که مسئله افغانستان یاد می‌شود، پالیسی رئیس جمهور ترمپ یا ادارۀ ایالات متحده امریکا نقش رهبری کننده را ایفا می‌کند. به اساس این پالیسی، در مورد افغانستان وضاحت و علاقمندی آشکار دیده می‌شود."
رئیس اجرائیه همچنین گفت که حکومت‌های دو کشور برای کامیابی استراتژی جدید امریکا به طور مشترک کار می‌کنند.
به اساس معلومات صفحۀ انترنت نشست بین‌المللی هلیفکس، در این نشست کلیدی ۳۰۰ نماینده از دولت‌ها و سازمان‌های گوناگون بین‌المللی اشتراک کرده‌اند.