اتاق تجارت و صنایع افغانستان می‌گوید، برای اولین بار نشست به هدف تجارت دیجیتلی یا آنلاین در کابل برگزار می‌شود.
صیام الدین پسرلی سخنگوی این اتاق امروز به رادیو آزادی گفت، اگر تجارت دیجیتلی یا آنلاین در افغانستان معمول گردد صادرات افغانستان ۳۰ در صد افزایش می‌یابند.
آقای پسرلی می‌گوید، از طریق بازار یابی دیجیتلی محصولات افغانی به بازارهای جهانی نیز راه پیدا می‌کند.
به گفته پسرلی، در این اواخر در بخش تجارت دیجیتلی میلیون‌ها دالر سرمایه گذاری شده و لازم است تا حکومت بخاطر این سرمایه گذاری‌ها نرخ انترنت را کاهش داده و مشکلات برق را نیز حل نماید.