رؤسای اجرائیه وزارت‌های سکتور اقتصاد امروز سه شنبه «۲۸ قوس ۱۳۹۶» دومین نشست خود را در کابل برگزار می‌کنند.
صیام‌الدین پسرلی سخنگوی اتاق تجارت و صنایع افغانستان دیروز دوشنبه به رادیو آزادی گفت، در این نشست روی فرصت‌های تجارتی، انکشاف پروژه‌های اقتصادی و چالش‌های که سرمایه‌داران با آن روبه‌رو اند، بحث می‌شود.
گفته می‌شود که مشکلات امنیتی یکی از موانع اساسی و عمده فرا راه انکشاف سرمایه‌گذاری در افغانستان به شمار می‌رود.
فساد اداری در داخل حکومت مشکلی عمده دیگر است که جلو فعالیت‌های اقتصادی تاجران خارجی و داخلی را در این‌کشور گرفته‌است.