رئیس جمهور افغانستان شام دیروز با رئیس اجرائیه پروژۀ تاپی روی چگونگی عملی کردن این پروژه گفت‌وگو کرد.
تاپی، پروژه مشترک ترکمنستان، افغانستان، پاکستان و هند است که گاز ترکمنستان را از راه افغانستان به پاکستان و در نهایت به هند، انتقال می‌دهد.
محمد اشرف غنی در دیدار با محمد مراد امانوف رئیس اجرائیۀ پروژه تاپی اطمینان داد که امنیت پروژه را تأمین می‌کند.
انتظار می‌رود تا دو ماه دیگر کار پایپ لاین گاز در افغانستان، آغاز شود.
تطبیق کننده‌های پروژه تاپی ابراز امیدواری می‌کنند که در سال ۲۰۱۹ میلادی کارهای عملی این پروژه تکمیل شده و در اواخر همان سال انتقال گاز به‌طور عملی نیز آغاز گردد.