احمد ایشچی به محکمۀ بین‌المللی جرایم شکایت کرده‌است

افغان‌ها بیش از یک میلیون شکایت جرایم جنگی را به محکمۀ بین‌المللی جرایم درج کرده‌اند.

این را خبرگزاری اسوشیتدپرس گزارش داده‌است.

بر اساس گزارش، محکمه بین‌المللی جرایم در هالند روند دریافت شکایت‌ها در مورد احتمال وقوع جرایم جنگی در افغانستان را سه ماه پیش آغاز کرد.

احمد ایشچی والی پیشین جوزجان و رقیب سیاسی معاون اول ریاست جمهوری افغانستان می‌گوید، او هم به این محکمه شکایت کرده‌است.

آقای ایشچی در ماه قوس سال گذشته ادعا کرد که جنرال عبدالرشید دوستم و افرادش چندین روز او را مورد شکنجه و بدرفتاری قرار داده‌اند.

بشیر احمد ته ینج سخنگوی آقای دوستم به رادیو آزادی گفته‌است که ادعای احمد ایشچی قطعاً سیاسی است.

بنابرین به گفته او معاون اول ریاست جمهوری نیاز ندارد به نهادهای مانند لوی سارنوالی حاضر شود.

ژکفر احمدی به روز جمعه با احمد ایشچی گفت‌وگو کرده و نخست از او پرسیده که به محکمه بین‌المللی جرایم شکایت کرده‌است؟

احمد ایشچی به محکمۀ بین‌المللی جرایم شکایت کرده‌است