تعداد شاگردان یک مکتب دختران که در شهر لشکرگاه مرکز ولایت هلمند مسموم شدند، به ۵۲ تن رسید.
داوود شاه صفاری رئیس معارف ولایت هلمند امروز دوشنبه به رادیو آزادی گفت، شاگردان مسموم شده، به شفاخانه انتقال داده شده‌اند.
به گفته امین الله عابد رئیس صحت عامه هلمند، تداوی شاگردان مسموم شده ادامه دارد.
آقای عابد وضعیت ده تن از این شاگردان را وخیم خواند.
آمر امنیت ولایت هلمند می‌گوید، تحقیقات در مورد این رویداد ادامه دارد و تا هنوز علت آن معلوم نیست.
گفته می‌شود، همه دختران مسموم شده، متعلم صنف دهم لیسه مرکزی دختران شهر لشکرگاه‌اند.