معین سیاسی وزارت خارجۀ افغانستان در ملاقات با رئیس جمهور تاجکستان در بارۀ همکاری‌‌های امنیتی میان دو کشور گفتگو کرد.
اعلامیه وزارت خارجه می‌گوید در این ملاقات، رئیس جمهور امام علی رحمان، با توجه به مشترکات زبانی، فرهنگی، دینی، و تاریخی میان دو کشور، خواهان گسترش روابط در ابعاد مختلف سیاسی، تجارتی، اقتصادی، فرهنگی وهمکاری امنیتی گردید.
حکمت خلیل کرزی معین سیاسی وزارت خارجه افغانستان گسترش بیشتر روابط در عرصه‌های مختلف میان دو کشور و منجمله همکاری امنیتی را به نفع هر دو کشور خوانده‌است.
او برای اشتراک در کنفرانس بین‌المللی مبارزه با تروریزم به دوشنبه سفر کرده‌است.