اتاق تجارت و صنایع افغانستان می‌گوید، قرار است این اتاق به نماینده‌گی از سکتور خصوصی و برخی سرمایه‌گذاران در نمایشگاه بین‌المللی چین اشتراک نمایند.
صیام‌الدین پسرلی سخنگوی این اتاق امروز به رادیو آزادی گفت، این نمایشگاه در ماه جوزای سال جاری در چین برگزار شده و در این نمایشگاه برای محصولات تاجران افغان نیز غرفه‌ها گذاشته می‌شود.
تاجران افغان در این غرفه‌ها میوه‌های خشک و تازه، سنگ‌های قیمتی و صنایع دستی را به نمایش می‌گذارند.
آقای پسرلی می‌گوید، هدف اشتراک این اتاق در نمایشگاه بین‌المللی چین، تشویق سرمایه‌گذارای‌های مشترک میان چین و افغانستان، رشد روابط تجارتی و تأکید روی آغاز کار دوباره خط راه آهن در افغانستان می‌باشد.