رئیس جمهور تاجکستان از اعلان آتش‌بس حکومت افغانستان با طالبان استقبال کرده و آنرا برای تأمین ثبات در منطقه مهم خوانده‌است.
در اعلامیه ریاست جمهوری افغانستان آمده‌است که امام علی رحمان این موضوع را در ملاقات با محمد اشرف غنی رئیس جمهور افغانستان در حاشیه کنفرانس کشورهای سازمان همکاری‌های شانگهای در چین بیان کرده‌است.
در اعلامیه هم‌چنان گفته شده که رئیس جمهور اشرف غنی نقش تاجکستان را در همکاری‌های تجارتی و ترانزیتی در منطقه بسیار مهم خواند.
اجلاس کشورهای سازمان همکاری‌های شانگهای امروز شنبه در چین آغاز شده و فردا هم دوام می‌کند.
سازمان همکاری‌های شانگهای ۸ عضو دایمی دارد و افغانستان از جمله ۴ عضو ناظر آن می‌باشد.