قرار است، کمپاین تطبیق واکسین سرخکان امروز شنبه در ۱۷ ولایت افغانستان آغاز شود.
داکتر دستگیر نظری رئیس معافیت کتلوی وزارت صحت عامه افغانستان به رادیو آزادی گفت که این کمپاین برای ده روز ادامه خواهد یافت.
وی افزود:
"در قدم اول ۱۷ ولایت در نظر گرفته می‌شود و در مرحله بعدی آن واکسین سرخکان در ۱۷ ولایت دیگر افغانستان تطبیق می‌گردد. در جریان این کمپاین ۱۳.۸ میلیون کودک، دارای سنین نُه ماهه الی ده ساله واکسین سرحکان را می‌گیرند."
به گفته آقای نظری، کمپاین تطبیق واکسین سرخکان در دَور اول در ولایت‌های بدخشان، بادغیس، غور، بامیان، خوست، غزنی، کابل، کاپیسا، لوگر، نورستان، پکتیکا، پکتیا، پنجشیر، پروان، سرپل، وردک و دایکندی به اجرا گذاشته خواهد شد.