حرکت مردمی صلح می‌گوید، آن‌ها امروز دوشنبه یک گردهمایی صلح را در ولسوالی مومند دره ولایت ننگرهار دایر می‌کنند.
بسم الله وطندوست سخنگوی این حرکت ناوقت شام گذشته به رادیو آزادی گفت:
"روز دوشنبه به طرف مومند دره می‌رویم، از مردم می‌خواهیم که دیگر خاموشی بس است، باید صدای شان را بلند کنند و از اطراف درگیر جنگ بخواهند که دیگر ما را نکشند و هر چه زودتر آتش‌بس را اعلان کرده، صلح بکنند."
حرکت مردمی صلح قبل از این نیز در ولایات کنر و لغمان گردهمایی‌های مردمی را دایر کرده و در آن‌ها روی اهمیت تأمین صلح و آتش‌بس تأکید کرده‌است.