زایرین حج امروز (دوشنبه) مراسم جمرات را ادا می‌کنند.
جمرات در مراسم حج یکی از ارکان مهم به شمار می‌رود.
ناصرالدین دریز سخنگوی وزارت ارشاد حج و اوقات به رادیو آزادی گفت، زایرین صبح وقت دیروز (یکشنبه) به سوی جمرات حرکت کردند.
وی گفت: "در آنجا شیطان را به سنگ زدند، جمره اول را انجام دادند، بعد برگشته طواف کردن، قربانی نمودند و شب به مِنا می‌روند و فردا (دوشنبه) عین برنامه را انجام می‌دهند."
وزارت حج و اوقاف افغانستان می‌گوید، در میان بیش از دو میلیون زایر، سی هزار تن هم از افغانستان در مراسم حج امسال اشتراک کرده‌اند.
به دنبال طواف کعبه، عرفات و قربانی توسط زایرین، مراسم حج روز چهارشنبه پایان می‌یابد.
تدابیر امنیتی در مکه خیلی جدی است و به گفته مقام‌های سعودی، هر حرکت، تحت نظارت آن‌ها قرار دارد.