مقام‌های اتریش به‌درخواست حکومت تاجیکستان یک پناهجوی تاجیکی را به آن کشور تسلیم داده‌است.
ویانا، با وجود هشدار فعالانی دست به این اقدام زده که قبلاً گفته بودند، این مرد در تاجیکستان شاید به‌شکنجه و یک روند غیرعادلانۀ قضایی روبه‌رو شود.
دفتر سارنوالی تاجیکستان به روز پنجشنبه اعلامیه‌ای منتشر کرد و گفت که "حزب‌الله شاولی‌زاده" به مجرد رسیدن به‌میدان هوایی شهر دوشنبه پایتخت تاجیکستان، دستگیر شد.
بر اساس اعلامیه، شاولی‌زاده به‌عضویت در حزب "نهضت اسلامی تاجیکستان" متهم شده‌است.
فعالیت حزب نهضت اسلامی تاجیکستان از پنج سال به این سو، در این کشور ممنوع اعلام شده‌است.
اما این حزب دیروز (جمعه۶ مارچ) اعلان کرده که شاولی‌زاده هیچ‌گاه عضویت این حزب را نداشت.