شورای امنیت ملی افغانستان می‌گوید، موضع‌اش در برابر رهایی زندانیان گروه طالبان تغییر نکرده است.
محمداشرف غنی رئیس جمهور افغانستان، در یازدهم ماه مارچ گفت که یک هزار و پنجصد زندانی گروه طالبان را به نیت نیک از بند رها می‌کند. مسئولیت این روند برای شورای امنیت ملی افغانستان سپرده شد.
جاوید فیصل سخنگوی شورای امنیت ملی افغانستان، امروز (۲۹ حوت) در یک پیام ویدیویی در این مورد گفت: "می‌خواهیم مطمئین شویم، کسانی که رها می‌شوند، دو باره به میدان جنگ بر نمی‌گردند."
گروه طالبان خواهان رهایی پنج هزار زندانی شان از بند حکومت افغانستان استند و می‌گویند که با این اقدام، راه‌ها برای مذاکرات بین‌الافغانی باز شده می‌تواند.