در نتیجه یک انفجار قوماندان قطعه شاهراه کاپیسا با یک محافظش زخمی شدند.
مسئولان حکومتی محلی کاپیسا می‌گویند، در نتیجه انفجار ماین کنار جاده‌ای بر موتر حامل محمد قاسم قوماندان قطعه شاهراه ولایت کاپیسا که ساعت ۹:۳۰ دقیقه امروز (یک‌شنبه، ۱۸ جوزا) در منطقه "کره تاز" مرکز این ولایت روی داد، قوماندان قطعه شاهراه با محافظش زخمی شدند.
عبدالشایق شورش سخنگوی قوماندان امنیه ولایت کاپیسا در صحبت با رادیو می‌گوید که زخمی‌ها به شفاخانه انتقال داده شدند.
تا حال فرد و یا گروهی مسئولیت این رویداد را به عهده نگرفته است.