مقام‌های سرپل: طالبان ده دهقان را از ولسوالی سانچارک ربودند

مقام‌های محلی ولایت سرپل می‌گویند ۱۰ دهقان امروز دوشنبه از سوی جنگجویان طالبان ربوده شدند.

نقیب‌الله دقیق ولسوال سانچارک ولایت سرپل امروز دوشنبه (۲۳ سرطان) به رادیو آزادی گفت: "طالبان امروز ساعت ۲ بعد از ظهر ده تن از دهقان‌ها را که در زمین‌های للمی خود مصروف جمع آوری حاصلات گندم بودند از روستای مسجد سبز سانچارک با خود بردند."

آقای دقیق گفت که طالبان آنها را به روستای اوقاف پایگاه اصلی‌شان انتقال داده اند.

گروه طالبان تا هنوز در این باره چیزی نگفته است.