وزارت خارجۀ افغانستان می‌گوید در گردهمایی چهارجانبۀ فردا دوشنبه (۶ اسد) میان سرپرست وزارت خارجۀ افغانستان و وزیران خارجۀ چین، پاکستان و نیپال گسترش همکاری میان این کشورها مورد بحث می‌گیرد.
گران هیواد سخنگوی وزارت خارجه جزئیات بیشتر داده گفت: "هدف عمدۀ بحث این مجلس چهارجانبه، مبارزه مشترک با شیوع ویروس کرونا، توسعه اقتصادی، گسترش همکاری‌ها و اتصال منطقه‌ای که اولویت‌های عمده و اساسی سیاست خارجی جمهوری اسلامی افغانستان را تشکیل می‌دهد، خواهد بود."
از سوی دیگر وزارت مالیۀ افغانستان نیز امروز از آمادگی برای یک نشست بین‌المللی خبر داد که در آن نمایندگان ۴۰ کشور و نهاد اشتراک خواهند کرد.
حکومت افغانستان در این نشست که روزهای دوشنبه و سه‌شنبه برگزار می‌شود اطلاعات در مورد دستاوردهای اصلاحات و مبارزه با فساد اداری را با کشورهای کمک کننده شریک می‌سازد.