فیروزالدین فیروز، وزیر پیشین صحت عامۀ افغانستان، اتهام‌های فساد اداری در جریان همه‌گیری ویروس کرونا بر خودش و سه مقام دیگر آن وزارت را رد کرد.
فیروز بشری رئیس اطلاعات و ارتباطات ادارۀ بازرس ریاست جمهوری افغانستان شام دوشنبه (۳ سنبه) به رادیو آزادی گفت، آقای فیروز با سه معین پیشین و یک معین برحال وزارت صحت عامه به لوی سارنوالی معرفی شده‌اند.
این مقام‌ها به سوء استفاده از صلاحیت‌های وظیفه‌ای و حیف و میل منابع مربوط به ویروس کرونا مظنون شناخته شده‌اند.
اما آقای فیروز در پیام صوتی‌که دوشنبه (۳ سنبله) به رسانه‌ها فرستاد، گفت که اتهام‌ها بر او و همکارانش بی‌اساس است.
وی افزود: "آیا پاداش خدمت صادقانه در جریان دشوارترین روزهای مبارزه با ویروس کرونا همین است که به سارنوالی معرفی شوم؟"
فیروزالدین فیروز در ۱۱ جوزای امسال از رهبری وزارت صحت عامه کناره‌گیری کرد.
افغانستان از حدود شش ماه با ویروس کرونا مقابله کرده، به تازگی جواد احمد عثمانی سرپرست وزارت صحت عامه افغانستان گفت که ۱۰ میلیون نفر در افغانستان به ویروس کرونا مبتلا شده بودند.