رئیس جمهور غنی با یک مقام ارشد اتحادیۀ اروپا در مورد مذاکرات صلح، ارزش‌های جمهوری و آتش‌بس سرتاسری تلفونی صحبت کرده است.
طبق خبرنامۀ امروز ریاست جمهوری، جوزف بوریل رئیس سیاست خارجی اتحادیۀ اروپا به طالبان پیام داده که ادامۀ کمک‌های شان به افغانستان به حفظ ارزش‌های جمهوریت ربط می‌گیرد.
بحث برسر نوع نظام آینده در افغانستان از نکات مهم در مذاکرات صلح افغانستان در دوحۀ قطر به حساب می‌رود.
حکومت افغانستان بر حفظ ارزش‌های جمهوری تأکید کرده اما طالبان تا اکنون از موقف امارت اسلامی افغانستان صحبت کرده اند.