نماینده‌های ۲۰ کشور و سازمان بین‌المللی، روز دوشنبه نشست مجازی را با عبدالله عبدالله رئیس شورای عالی مصالحه ملی افغانستان برگزار کردند.
آقای عبدالله دیشب (۳۱ سنبله) در تویترش نوشت که در مورد پیشرفت مذاکرات صلح به دیپلومات‌های کشورهای مختلف و نمایندگان سازمان‌های جهانی جزئیات داده است.
عبدالله عبدالله گفته که نظریه‌هایش را در مورد اقدام‌های آینده برای صلح و معلومات در باره سفرش به قطر را با این مقام‌ها شریک کرده‌است.
بر اساس این تویت، نمایندگان کشورها و سازمان‌های مختلف، حمایت‌شان را از گفت‌وگوهای صلح افغانستان ابراز کردند و بار دیگر به کاهش خشونت و آتش‌بس دایمی تأکید کردند.