در اجلاس سه جانبه میان افغانستان، ترکمنستان و امریکا حمایت از تلاش‌های صلح افغانستان به سطح منطقه تقاضا شده است.
این اجلاس دیروز جمعه (۱۸ماه میزان) به طور آنلاین برگزار شد.
در این نشست، محمد حنیف اتمر سرپرست وزارت خارجهٔ افغانستان، رشید مرادوف وزیر خارجهٔ ترکمنستان و دیوید هیل معین سیاسی وزارت خارجهٔ امریکا از کشورهای‌شان نمایندگی می‌کردند.
در اعلامیه مشترک این نشست از کشورهای منطقه و جامعهٔ بین‌المللی خواسته شده که از مذاکرات صلح به رهبری و مالکیت افغان‌ها حمایت کنند.
در اعلامیه، حفظ و توسعهٔ دست‌آوردهای ۱۹ سال افغانستان در صلح دایمی به مثابهٔ یک شرط مهم خوانده شده است.
اعلامیه به‌نیاز مبرم اشتراک با مفهوم زنان تاکید کرده است.
اعلامیه گفته که سلسلهٔ این نشست‌ها ادامه خواهد یافت.