امام علی رحمان برای پنجمین دور به حیث رئیس جمهور تاجیکستان حلف وفاداری یاد کرد.
پس از مراسم امروز (۳۰ اکتوبر) که در قصر ملی پایتخت دوشنبه برگزار شده بود، آقای رحمان در یک رژه نظامی با حضور حدود هفت هزار نظامی کشورش اشتراک کرد.
در این رژه، مقام‌های دولتی، لوی سارنوالی، کارمندان اداره مبارزه با فساد اداری، پولیس، اردو و محصلان پوهنتون‌های نظامی تاجیکستان شرکت داشتند.
امام علی رحمان در سال ۱۹۹۲ و پس از فروپاشی اتحاد شوروی پیشین به قدرت رسید.
او در جمهوری‌های آسیای میانه طویل‌ترین ریاست جمهوری را سپری کرده و حتی بیشتر از الکساندر لوکاشینکو که قدرت را برای ۲۶ سال در بلاروس در دست داشته، در رهبری کشورش قرار داشته است.