مقام‌های تاجیکستان می‌گویند، تا هنوز تلاش‌ها برای پیدا کردن مَهمراد آدینه‌یف یکی از رهبران حزب مخالف، با وجود درخواست اقاربش آغاز نشده است.
نصرت‌الله محمود زاده سخنگوی وزارت داخله تاجیکستان می‌گوید، نام آدینه‌یف، معاون حزب سوسیال دموکرات به خاطر نزد آن‌ها ثبت نشده که پولیس از سوی اعضای خانواده او هیچ درخواستی دریافت نکرده است.
مَهمراد آدینه‌یف در بیستم نومبر ناپدید شد.
اقارب او به بخش تاجیکی رادیو آزادی گفته اند، آدینه یف چند روز پس از آن ناپدید شد که در یک پُست فیس‌بوک، از رستم امام علی شاروال دوشنبه خواست، به او و فعالان حزبش اجازه دهد تا در اعتراض به افزایش نرخ مواد غذایی دست به تظاهرات زنند.
رستم امام علی، پسر امام علی رحمان رئیس جمهور و قدرتمندترین مرد در تاجیکستان است.