شورای عالی مصالحه ملی افغانستان میگوید، تاجیکستان به هر گونه همکاری در پروسۀ صلح تعهد سپرده است.
فریدون خوزون سخنگوی شورا شام دوشنبه (اول جدی) به رادیو آزادی گفت که این تعهد در جریان سفر عبدالله عبدالله رئیس شورای عالی مصالحه ملی به دوشنبه صورت گرفت.
وی میگوید: "مقامهای تاجیکستان، صلح و ثبات در افغانستان را، صلح و ثبات منطقه دانستند و حمایت خود را از این روند اعلام کردند. آنها تاکید ورزیدند که از پروسه صلح افغانستان حمایت میکنند."
عبدالله عبدالله در راس یک هیئت دیروز (اول جدی) به دوشنبه رفت.
قرار است او امروز سهشنبه (۲ جدی) با امام علی رحمان رئیس جمهور تاجیکستان دیدار کند.