وزارت امور داخلهٔ افغانستان می‌گوید، طالبان برای فعالیت‌های جنایت‌کارانهٔ شان راه‌های گوناگون را اختیار می‌کنند.
طارق آرین سخنگوی این وزارت دیروز یک‌شنبه (۵ دلو) در حساب توییترش نوشته که پولیس تخنیکری در ناحیه ۸ م شهر کابل دستگیر کرده که ماین‌های چسپکی را در موترها و وسایط نصب می‌کرد.
او از مردم خواسته که هنگام ترمیم موتر در ورکشاپ‌ها باید دقت کنند.
به گفتهٔ او، دشمن از راه‌های مختلف برای هدف قرار دادن مردم استفاده می‌کند. آن‌ها از نانوا گرفته تا رانندگان موترهای لینی و کراچی رانان برای فعالیت‌های‌شان کار می‌گیرند.
در حالی که از آغاز مرحلهٔ دوم مذاکرات صلح بیش از ۲۰روز می گذرد، قتل‌های هدفمند به وسیله بمب‌های چسپکی که مسئولیت آن را نه گروه و نه فردی به عهده می‌گیرد، در کابل و شهرهای بزرگ افغانستان افزایش یافته است.