مقام‌های اوکراین می‌گویند، یک گروه از هکرها را شناسایی کردند که با مداخله در نظام شبکه‌های کمپیوتری چندین کشور اروپایی و بانک‌های امریکا ۲.۵ میلیارد دالر خساره وارد کرده‌اند.
دفتر سارنوال عمومی اوکراین روز چهارشنبه (۲۷ جنوری) گفت که این هکرهای اوکراینی از سال ۲۰۱۴ به این‌سو با استفاده از سافت‌ویرهای سرقت معلومات شخصی چون پاسوورد و لاگن‌ها، در نظام‌های خصوصی بانک‌ها در اتریش، بریتانیا، جرمنی، لیتوانیا، هالند، سویس و امریکا مداخله کرده‌اند.
سارنوالان گفتند که در یورش پولیس در شهر خارکیف کمپیوترها و تجهیزات دیگر ضبط شدند.
تحقیقات در هماهنگی با همکاری نظام عدلی اتحادیه اروپا، پولیس بین‌المللی و مراجع تنفیذ قانون در جرمنی و ایالات متحدۀ امریکا صورت گرفته است.
جزئیات بیشتر داده نشده است.