هیئت مذاکره کنندهٔ دولت افغانستان در قطر با ستیفانو پونتیکورو دربارهٔ ضرورت آتش‌بس دایمی در کشور و سایر مسایل بحث کردند.
وزارت دولت در امور صلح می‌گوید، معصوم ستانکزی رئیس و عدهٔ از اعضای هیئت مذاکره کننده دولت در این نشست درباره همکاری ناتو در حمایت از حقوق بشری زنان و اقلیت‌ها، گفتگو کردند.
این نشست ناوقت دیروز دوشنبه (۱۳ دلو) به طور آنلاین برگزار شده بود.
این وزارت در رشته توییت‌های نوشته که ستیفانو پونتیکورو نمایندهٔ ملکی ناتو برای افغانستان گفته که ناتو به تعهد خود در ارتباط به پروسهٔ صلح متعهد است.
به تازگی‌ها مذاکره کنندگان دولت، جانب طالبان را متهم کرده که به مذاکرات صلح دلچسپی نشان نمی‌دهند و سفر های‌شان به کشورهای همسایه افغانستان را آغاز کرده‌اند.