افغانستان و تاجیکستان روی گسترش روابط تجارتی میان هر دو کشور تاکید کردند.
این نشست امروز (۲۴ حوت) میان اتاق تجارت و سرمایه‌گذاری افغانستان و سعدی شریفی سفیر تاجیکستان برای افغانستان برگزار شده است.
یونس مومند معاون اتاق تجارت و سرمایه‌گذاری افغانستان امروز به رادیو آزادی گفت در این نشست بخاطر گسترش روابط تجارتی و ترانزیتی، ترانزیت از راه تاجیکستان به روسیه، همکاری‌های ترازیتی با تاجیکستان تفاهم‌نامه به امضا رسید.
به گفته آقای مومند افغانستان برای حل مشکلات ترانزیتی میان دو کشور خواهان همکاری سفارت تاجیکستان نیز شد.
آقای شریفی تعهد کرد که سفارت آن کشور برای گسترش روابط تجارتی میان دو کشور از هیچ نوع تلاش دریغ نخواهد کرد.