مقام‌های افغانستان، امریکا و تاجیکستان از پروسۀ صلح افغانستان حمایت کردند.
در نشست مجازی که دیروز (۱۸ مارچ) انجام شد، محمد حنیف اتمر وزیرخارجۀ افغانستان، همتای تاجیکی وی سراج‌الدین مهرالدین و دیوید هیل معین وزارت خارجۀ امریکا سهم گرفتند.
آقای اتمر گفت حکومت افغانستان به مشارکت سیاسی در چوکات قانون اساسی و انتخابات قبل از وقت آمادگی دارد.
اعلامیه وزارت خارجۀ افغانستان می‌افزاید که مقام‌های امریکا و تاجیکستان از پروسۀ صلح حمایت کرده، روی حفاظت دست آوردها به شمول حقوق زنان تاکید کردند.