قبل از انفاذ آتش‌بس میان قرغیزستان و تاجیکستان، قرغیزستان تعداد کشته شدگان در اثر گیری‌های اخیر در امتداد منطقه مورد منازعۀ سرحدی را ۱۳ تن اعلام کرده است.
وزارت صحت قرغیزستان امروز (۳۰ اپریل) گفت، ۱۳۴ تن نیز در نتیجۀ این درگیری‌ها که از تاریخ ۲۸ اپریل پس از شروع سنگ اندازی ساکنان دو طرف سرحد بسوی هم آغاز شد، زخمی شده‌اند.
درگیری در ناحیۀ لیلک منطقۀ باتکن بیست و هشتم اپریل آغاز شد و بیست و نهم اپریل پایان یافت.
پولیس منطقۀ باتکنِ قیرغزستان شهروندان تاجیکستان را به خاطر وخامت اوضاع مقصر دانسته و گفته است، آن‌ها بر یک واحد اردو در روستای کوکتاش آتش گشودند.
گزارش شده است که از جانب تاجیکستان در نزدیکی قریۀ اکسای قیرغزستان نیز تیراندازی شده.
نیروهای گارد سرحدی تاجیکستان ادعای قیرغزستان را رد کردند.
آن‌ها گفتند، پرسنل نظامی آن کشور نخست بر واحدهای مرزی تاجیکستان در نزدیکی مرکز توزیع آب موسوم به "گالاونای" آتش گشودند.